មន្ទីរពេទ្យកាល់ម៉ែត៖ ៧០ភាគរយនៃអ្នកផឹកស្រាជាប្រចាំ ប៉ះពាល់សុខភាពខួរក្បាលនិងប្រព័ន្ធប្រសាទធ្ងន់ធ្ងរ

«ការទទួលទានជាប្រចាំនឹងអាចធ្វើឱ្យអន់ថយមុខងាររបស់កោសិកាខួរក្បាល រាប់តាំងពីការភ្លេចភ្លាំង រហូតវង្វេងវង្វាន់ស្មារតី។» នេះបើតាមការបញ្ជាក់របស់មន្ទីរពេទ្យកាល់ម៉ែត។ 

ប្រហែល 70% នៃអ្នកទទួលទានគ្រឿងស្រវឹងជាប្រចាំគឺប្រឈមនឹងបញ្ហាខួរក្បាលធ្ងន់ធ្ងរដូចជា ជំងឺគ្រោះថ្នាក់សរសៃឈាមខួរក្បាល (Stroke) ជំងឺខ្សោយការចងចាំ ឬជំងឺវង្វេង ស្វិតទំហំខួរក្បាល ដែលអាចជំរុញ ឬអាចបង្កឱ្យមានបញ្ហាសុខភាពផ្លូវចិត្ត។ អ្នកផឹកគ្រឿងស្រវឹងច្រើន នឹងថយចុះប្រសិទ្ធភាពនៃបំណិនការងារ ការសម្របសម្រួល និងការគ្រប់គ្រងខ្លួនឯង រំខានការគេង និងការសម្រេចចិត្ត ខូចខាតដំណើរការមេតាបូលិករបស់កោសិការប្រព័ន្ធប្រសាទ។ ក្រៅពីនេះការប្រើប្រាស់គ្រឿងស្រវឹងក៏អាចឱ្យប្រឈមនឹងជំងឺប្រកាច់ ជំងឺឆ្លងក្នុងខួរក្បាល និងគ្រោះថ្នាក់ក្បាលដោយការដួលប៉ះទង្គិច៕